ဖတ်ကြည့်ပါ ပြုံးရင်းဖြစ်ဖြစ်..မျက်ရည်ကျရင်းဖြစ်ဖြစ် တွေးရင်းဖြစ်ဖြစ် ကျန်ရစ်ကောင်း ကျန်ရစ်စေနိုင်လိမ့်မယ်....

ဒီ မတူညီတဲ့ ၀တ္ထုတိုလေးများဟာ သင့်ကို ... ပြုံးရင်းဖြစ်ဖြစ်... မျက်ရည်ကျရင်းဖြစ်ဖြစ် ... တွေးရင်းပဲဖြစ်ဖြစ် ကျန်ရစ်ကောင်း ကျန်ရစ် စေနိုင်ပါလိမ့်မယ် ...။

၁) ယနေ့ လေဆိပ်တွင် ....
စစ်ဝတ်စုံ ၀တ်ထားတဲ့ ကျွန်တော် .. လေယာဉ်ပေါ်ကဆင်းပြီး လေဆိပ်ထဲမှာ လမ်းလျှောက်လာတော့ ကောင်မလေး ငယ်ငယ်တစ်ယောက်က ကျွန်တော့လက်ကို လာဆွဲတယ်။ ပြီးတော့ ... နိုင်ငံခြားကို သိပ်မကြာခင် ပြန်သွားဦးမှာလားလို့ မေးတယ် ... ကျွန်တော်က နောက် ၆ပတ်လောက်အကြာမှာ ပြန်သွားကောင်းသွားရမယ်လို့ ပြန်ဖြေလိုက်တယ် ...။ အဲဒီ့မှာ ကောင်မလေးက ပြုံးပြီး ကျွန်တော့် ကိုပြောတယ် ...
"ဖေဖေ့ကိုတွေ့ရင်ပြောပေးပါ ... ဦးဦး ... သမီး ဖေဖေ့ကို အရမ်းချစ်တယ် လို့ ... မေမေကပြောတယ် ... ဖေဖေက အဲဒီ့ကနေ ဘယ်တော့မှ ပြန်လာနိုင်တော့မှာ မဟုတ်ဘူးတဲ့ "

၂) ယနေ့ ...
ကျွန်တော် ချောနေတဲ့ ကြမ်းပြင်ပေါ်မှာ ချော်လဲမလို ဖြစ်သွားတော့ အနီးအနားမှာ ရှိနေတဲ့ wheelchair ပေါ်က ကောင်လေးတစ်ယောက်က ကျွန်တော့ကို လှမ်းဆွဲလိုက်တယ် ...။
ပြီးတော့ ... သူကပြောတယ် ... "ယုံချင်ယုံ မယုံချင်နေဗျာ ... လွန်ခဲ့တဲ့ သုံးနှစ်လောက်က ဒီလိုပုံစံမျိုးကွက်တိပဲ ကျွန်တော်ဖြစ်ခဲ့ပြီး ကျောရိုးမှာ ဒဏ်ရာရသွားခဲ့တာ ..." တဲ့ ..

၃) ယနေ့ ...
ကျွန်တော့် အဖေကပြောတယ် ...
"အမြဲတမ်းကြိုးစားပါ ... အားမလျှော့ပါနဲ့ ... ။ အောင်မြင်တဲ့အရာတစ်ခုကို တည်ဆောက်နိုင်ဖို့အတွက် ပညာရှင်တစ်ယောက် ဖြစ်မှလုပ်နိုင်မယ် လို့ မတွေးနဲ့ ...။ Google နဲ့ Apple ကို ဘာ အတွေ့အကြုံမှ မရှိသေးတဲ့ သူတွေက စတင်ခဲ့ကြတာ ... တိုင်တန်းနစ်ကိုကြည့်စမ်းကွာ ... ဒီသင်္ဘောကိုတည်ဆောက်တဲ့သူတွေက တကယ့်ပညာရှင်တွေချည်းပဲ ..."

၎) ယနေ့ ...
လွန်ခဲ့တဲ့ နှစ်နှစ်ဆယ် ပြည့်ဖို့ နာရီပိုင်း အလိုလောက်ကပေါ့ ... အရှိန်ပြင်းထန်နေတဲ့ မြစ်ထဲမှာ အမျိုးသမီးတစ်ယောက်ကို ကယ်တင်ဖို့အတွက် ကျွန်တော့အသက်နဲ့ လောင်းကြေးထပ်ခဲ့ရတယ် ...။ အဲဒါက ကျွန်တော့ အမျိုးသမီးနဲ့ စတင်စုံစည်းခဲ့ပုံပါ ... ကျွန်တော့ ဘ၀ရဲ့ အချစ်ဖြစ်စဉ်ပေါ့ ...။

၅) ယနေ့ ...
ကျွန်တော့်အတွက် အမြဲတမ်း အကြံဥာဏ်ကောင်းတွေ ပေးတတ်တဲ့ ပုဂ္ဂိုလ်တစ်ယောက်နဲ့ စကားပြောဖြစ်ခဲ့ကြပါတယ် ...။ သူက အခု အသက် ၇၀ကျော်တဲ့အချိန်ထိ အလွန်အောင်မြင်တဲ့ စီးပွားရေးလုပ်ငန်းရှင်ကြီးတစ်ယောက်ပေါ့ ...။ အောင်မြင်ဖို့အတွက် သူ့ရဲ့အချက် (၃)ကို ပြုံးရင်း ကျွန်တော့ကိုပြောတယ် ...
"ဘယ်သူမှ မဖတ်တဲ့စာကို ဖတ်ပါ ... ဘယ်သူမှ မတွေးဖူးတာကို တွေးပါ ... ဘယ်သူမှ မလုပ်ဖူးတာကို လုပ်ပါ" တဲ့ ...။

၆) ယနေ့ ...
ကျွန်တော် အခုတက်နေတဲ့ စိတ်ပညာတန်းမှာ သုတေသန စာတန်းတင်စရာရှိလို့ ကျွန်တော့် ဘွားဘွားကို အင်တာဗျူးကြည့်ပါတယ် ... ဘွားဘွားရဲ့ "အောင်မြင်မှု" အပေါ်မှာထားတဲ့ သဘောထားကို ကိုယ်ကြိုက်သလို ပြောပြပါလို့ ပြောလိုက်တော့ ဘွားဘွားက ပြန်ပြောတယ် ...
"ဘ၀ကို နောက်လှည့်ကြည့်လိုက်တဲ့ အချိန်မှာ ကိုယ့်ကို ပြုံးသွားအောင် လုပ်ပေးနိုင်တဲ့ အမှတ်တရတွေ ရှိခဲ့ရင် ဒါဟာ အောင်မြင်ခြင်းပဲ"

Translated by အလင်္ကာမေကျော်
https://www.facebook.com/happyvirusmkblog